ამბროლაურის მუნიციპალიტეტის სოფელ ჭელიაღელის საჯარო სკოლაში სასწავლო პროცესი გაჯერებულია მრავალფეროვანი ღონისძიებებით, რაც მოსწავლეთა ცოდნის, შემოქმედებითი ნიჭისა და შესაძლებლობების წარმოჩენას ემსახურება.
ამჯერად, სკოლაში 8 მარტისა და დედის დღისადმი მიძღვნილი ღონისძიება ჩატარდა, რომელმაც მოსწავლეებს საშუალება მისცა სითბო და სიყვარული გამოეხატათ საყვარელი ადამიანების - დედებისა და მასწავლებლების მიმართ.
ღონისძიებაში სკოლის ყველა მოსწავლე მონაწილეობდა, მათ წაიკითხეს ლექსები და სახალისო აქტივობებში ჩაერთნენ.
ღონისძიების დასასრულს მასწავლებელმა - მანანა ჯმუხაძემ მოსწავლეებს დაურიგა მისალოცი ბარათები.
აღსანიშნავია, რომ ჭელიაღელის საჯარო სკოლის მზრუნველი პედაგოგები მოსწავლეებს სწორ ღირებულებებზე ზრდიან და გარდა საგნობრივი დისციპლინებისა, სითბოსა და სიყვარულის გამოხატვას ასწავლიან.
იხილეთ ფოტოები:
