წალკის მუნიციპალიტეტის სოფელ იმერის საჯარო სკოლაში, მოსწავლეებში წიგნის კითხვის პოპულარიზაცია ერთ-ერთი პრიორიტეტული საკითხია. პედაგოგები მოწაფეებს მხატვრული ლიტერატურის კითხვის კულტურას დაწყებითი კლასებიდანვე ასწავლიან.
„წიგნის კითხვის ერთ-ერთი დადებითი ეფექტი არის ის, რომ ვითარდება აზროვნება. წიგნის კითხვისას ჩვენ ვმსჯელობთ, ვფიქრობთ, ვაფასებთ და ვუკეთებთ ანალიზს წიგნში წამოჭრილ საკითხებს“,- გვეუბნებიან იმერის საჯარო სკოლაში, სადაც პედაგოგ ზურაბ ვანაძის ორგანიზებით, ჩატარდა რიგით მე-3 ინტელექტუალური კონკურსი - „წლის საუკეთესო მკითხველი“.
აქტიურ მკითხველებსა და კონკურსში გამარჯვებულებს გადაეცათ სერტიფიკატები და წამახალისებელი საჩუქრები.
როგორც სკოლაში გვეუბნებიან, პროექტის მიზანია მოსწავლეებში წიგნის კითხვის უნარ-ჩვევების განვითარება.
იხილეთ ფოტოები:
