ხეობის საჯარო სკოლის მოსწავლეებმა გაზაფხულის პირველი დღესასწაულები ზეიმით აღნიშნეს
12-03-2024
ქარელის მუნიციპალიტეტის სოფელ ხეობის საჯარო სკოლაში მოსწავლეთა განწყობისა ამაღლებასა და შემოქმედებითი უნარების წარმოჩენა-განვითარებას მნიშვნელოვანი ყურადღება ექცევა. სწორედ ამიტომ, სკოლაში სხვადასხვა დღესასწაული საინტერესო ღონისძიებებით აღინიშნება.
ამჯერად, სკოლაში, გაზაფხულის დღესასწაულები - 3 და 8 მარტი იზეიმეს. ღონისძიებაზე ბავშვებმა, იმღერეს, იცეკვეს, ლექსები წაიკითხეს და შემოქმედებითი უნარები წარმოაჩინეს.
მათ ლექსებიდან ამონარიდებით მიულოცეს მშობლებს, ბებიებს, მასწავლებლებს ეს დღე და თავანთი ხელით დამზადებული მისალოცი ბარათები, ყვავილები გადასცეს.
დღე ემოციური და დაუვიწყარი აღმოჩნდა იქ მყოფი თითოეული მოსწავლისთვის.
მსგავსი აქტივობები და ღონისძიებები მოსწავლეთა მრავალმხრივ განვითარებას უწყობს ხელს.
იხილეთ ფოტოები:
სკოლების სიახლეები
