რეგისტრაციისას მნიშვნელოვანია სწორად შეიყვანოთ ინფორმაცია და არ დაუშვათ შეცდომა საგნის არჩევის დროს. რეგისტრაციის დასრულებისას თქვენ მიიღებთ სისტემაში შესასვლელ ხუთნიშნა კოდს. შეინახეთ და არ გაანდოთ სხვას კოდი, მხოლოდ თქვენ ხართ პასუხისმგებელი სარეგისტრაციო გვერდზე შეტანილ ცვლილებებზე. 

 

4 აპრილის შემდეგ აბიტურიენტი ვეღარ დარეგისტრირდება, თუმცა პროგრამების წაშლის, არჩევისა და შეცვლის  საშუალება კიდევ რამდენიმე თვის განმავლობაში აქვს. ეს პროცესი აგვისტოს თვეში, აპელაციის შედეგების გამოქვეყნების მომდევნო დღეს შეწყდება.

 

ერთიან ეროვნულ გამოცდებში მონაწილეობის საფასური (ერთი გამოცდისათვის) 10 ლარია. სისტემა ავტომატურად ამოწმებს ინფორმაციას გამოცდაში მონაწილეობის საფასურის გადახდის შესახებ. თუ გადახდა არ დადასტურდა, გამოცდებში მონაწილეობის მსურველი ეკრანზე ხედავს შესაბამის შეტყობინებას და ვეღარ ასრულებს რეგისტრაციას.  გადახდის შესაძლო საშუალებები გამოქვეყნებულია ვებგვერდზე www.naec.ge 

რეგისტრაციის წარმატებით დასრულების შემთხვევაში აბიტურიენტის სარეგისტრაციო გვერდზე გამოჩნდება მის მიერ შევსებული მონაცემები (საგანთა ჩამონათვალი, საგამოცდო ცენტრის ადგილმდებარეობა (ქალაქი) და არჩეული საგანმანათლებლო პროგრამები), რომელთა დამახსოვრებაც აუცილებელია. თუ თქვენ არ გამოიყენებთ შენახვის ღილაკს, სისტემა ვერ დაიმახსოვრებს ინფორმაციას!

 

საგანმანათლებლო პროგრამების რეიტინგული ჩამონათვალის შედგენისას აბიტურიენტი უთითებს საგანმანათლებლო პროგრამის კოდს, რომელიც შეუძლია მოიძიოს 2024 წლის ელექტრონულ ბუკლეტში - „ცნობარი აბიტურიენტებისათვის“.

 

ეს ჩანაწერი ნიშნავს, რომ პროგრამის აკრედიტაციის მინიჭებასთან დაკავშირებით მიმდინარეობს წარმოება. ამ პროცესის დასრულებისთანავე გადაწყვეტილება აისახება ცნობარში და შეძლებთ მის არჩევას.

 

ცენტრის ვებგვერდზე უკვე გამოქვეყნებულია ელექტრონული კრებული „ცნობარი აბიტურიენტებისათვის". ცნობარში მოცემულია ყველა უმაღლესი სასწავლებელი და ასევე ყველა ის საგანმანათლებლო პროგრამა, რომლებზეც მიმდინარეობს მიღება მიმდინარე სასწავლო წელს. ცნობარში იხილავთ დეტალურ ინფორმაციას საგანმანათლებლო პროგრამების, საგამოცდო პროცესის, შედეგების გამოქვეყნების, აპელაციის პროცედურის, ჩარიცხვისა და სახელმწიფო სასწავლო გრანტის მოპოვების წესის შესახებ.

 

შემოქმედებით ტურს ირჩევთ რეგისტრაციის დროს თანხის გადახდის გარეშე. დამატებითი ინფორმაციის მისაღებად უნდა მიმართოთ შესაბამისი უმაღლესი სასწავლო დაწესებულების ადმინისტრაციას.

 

თუ ეს ველი 15 აპრილის 18:00 საათამდე არ მონიშნეთ, ამ პროგრამას ვერ აირჩევთ და ვერ ჩაირიცხებით.

თუ გსურთ არჩეული პროგრამების გადანაცვლება, თქვენ უნდა დააყენოთ კურსორი იმ პროგრამაზე, რომლის გადატანაც გსურთ და წაშალოთ შესაბამისი ღილაკის გამოყენებით. პროგრამის დასამატებლად კურსორი უნდა დააყენოთ იმ პროგრამაზე, რომლის შემდეგაც გსურთ სასურველი პროგრამის ჩასმა, ჩაწეროთ მისი კოდი და გამოიყენოთ ღილაკი - „დამატება“. თუ პირველ საფეხურზე გსურთ სასურველი პროგრამის ჩასმა, მაშინ კურსორი უნდა დააყენოთ პირველ საფეხურზე, გამოიყენოთ ღილაკი - „დამატება“, ჩაწეროთ სასურველი პროგრამის კოდი და წაშალოთ პირველ პოზიციაზე მდგარი პროგრამა ღილაკით - „წაშლა“. ცვლილებების შესრულების შემდეგ არ დაგავიწყდეთ შენახვის ღილაკის გამოყენება!

 

საგამოცდო ქალაქის არჩევაში აბიტურიენტი თავისუფალია. სურვილისამებრ  შეუძლია აირჩიოს ნებისმიერი ქალაქი ჩამონათვალიდან.

 

იმ საგნის შედეგს, რომელიც პროგრამაზე არ ბარდება, საერთოდ ვერ გამოიყენებთ.

 

რეგისტრაციის დროს თქვენ უნდა მონიშნოთ ველი სპეციალური პირობა და 15 აპრილის 18:00 საათამდე წარმოადგინოთ ჯანმრთელობის ცნობა, ფორმა N100 შეფასებისა და გამოცდების ეროვნულ ცენტრში.

სარეგისტრაციო გვერდზე აბიტურიენტმა უნდა დააჭიროს ბმულს „კონკურსი პროგრამებზე“. ინფორმაცია განახლებადია 24 საათში ერთხელ.