თბილისის N217 სკოლის უფროსკლასელებთან კომუნიკაციების ომბუდსმენის სამსახურის წარმომადგენელმა საინფორმაციო შეხვედრა გამართა
27-03-2024
თბილისის N217 საჯარო სკოლაში სხვადასხვა მნიშვნელოვან საკითხზე მოსწავლეთა ცოდნის ამაღლებას და თვალსაწიერის გაფართოებას მნიშვნელოვანი ყურადღება ექცევა. ამ მიმართულებით კი არაერთი საგანმანათლებლო ღონისძიება იმართება.
6 მარტს, სკოლას კომუნიკაციების ომბუდსმენის სამსახურის წარმომადგენელს უმასპინძლეს. საზოგადოებრივი დამცველის თანაშემწე შოთა შაფაქიძემ უფროსკლასელებთან შეხვედრა გამართა.
საზოგადოებრივი დამცველის თანაშემწემ მოსწავლეებს წარუდგინა ინფორმაცია სამსახურის საქმიანობის შესახებ, გააცნო კანონმდებლობით მინიჭებული უფლებები, კომპანიების ვალდებულებები, საჩივრის/განცხადების განხილვის წესები და ვადები, აგრეთვე დარგში შემავალი სხვა საკითხები.
ფოტოები: მომხმარებელთა ინტერესების საზოგადოებრივი დამცველი
სკოლების სიახლეები
