მედანის საჯარო სკოლაში სხვადასხვა ღონისძიება აქტიურად ტარდება. 

სკოლაში ჩატარდა 9 აპრილის დღისადმი მიძღვნილი ლიტერატურული კომპოზიცია „დაუვიწყარი 9 აპრილი“.

მოსწავლეებმა საინტერესოდ წარმოადგინეს მხატვრული კომპოზიცია და შთამბეჭდავად გაითამაშეს როლები. მათ 9 აპრილის კუთხესთან დაანთეს სანთლები და პატივი მიაგეს დაღუპულთა ხსოვნას.  
      
14 აპრილს ჩატარდა დედა ენის დღისადმი მიძღვნილი ღონისძიება სახელწოდებით „ო, ენავ ჩემო, დედაო ენავ“. 

სკოლაში ყოველ დღე, დიდ დასვენებებზე, ხორციელდება სხვადასხვა აქტივობები. ორშაბათს და ხუთშაბათს ტარდება „პოეზიის ხუთი წუთი“, სხვადასხვა კლასის მოსწავლეები წარადგენენ სხვადასხვა პოეტების შემოქმედებას. სამშაბათს სკოლაში „კვირის გმირი“ ვლინდება. ოთხშაბათის და პარასკევის დღე კი ქართულ სიმღერებს ეთმობა. 

მე-7 კლასის მოსწავლეებმა გამოსცეს კედლის გაზეთი „არა ბარბარიზმებს“ და აღნიშნულ საკითხზე გააკეთეს პრეზენტაცია. 

სკოლაში გაიმართა ბოლო ზარის ზეიმი, კურსდამთავრებულებს სკოლის დამთავრება მოსწავლეებმა, პედაგოგებმა და მშობლებმა მიულოცეს. ზეიმზე სკოლასთან არსებული ანსამბლი „სამებას“ ცეკვამ განსაკუთრებული მოწონება დაიმსახურა. 

იხილეთ ფოტოები