დაბა ლენტეხის N1 საჯარო სკოლაში, პროფესიული უნარების სააგენტომ პროფესიული მომზადების პროგრამის - „რეგიონალური ტურის მეგზურის“ ფარგლებში პროექტი ჩაატარა.
პროექტის მიზანი რეგიონალური ტურისტული ინდუსტრიის შემდგომი განვითარების ხელშეწყობა ცვლილებასა და ინოვაციაზე ორიენტირებული პროფესიული უნარ-ჩვევების განვითარება და ამავდროულად რეგიონალური თავისებურებებით გაჯერებული ტურისტული პროდუქტების შექმნის კომპეტენციებისა და გამოცდილების შეძენა გახლდათ.
პროექტის მონაწილე მოსწავლეებმა (მე-10, მე- 11 კლასები) დავალება წარმატებით შეასრულეს.
„მათ აიმაღლეს და გაიმრავალფეროვნეს ცნობიერება მათი რეგიონის შესახებ“, - აღნიშნავენ სკოლაში.
ბავშვებმა მოინახულეს ძველი და ახალი ციხე-კოშკები და ეკლესიები, ეწვივნენ მუზეუმს, წარადგინეს პრეზენტაციები.
„მათ ასევე გაიმდიდრეს ცოდნა, შეიძინეს გამოცდილება და კულტურული თვითმყოფადობის ფასეულობა. წარმატებები ვუსურვოთ ჩვენი „მომავლის ელჩებს“ რეგიონში ტურიზმის ინდუსტრიის განვითარებაში“, - გვიყვებიან სკოლაში.
იხილეთ ფოტოები:
