ონის მუნიციპალიტეტის სოფელ უწერის საჯარო სკოლის მოსწავლეები სხვადასხვა საინტერესო პროექტსა და აქტივობაში დიდი ენთუზიაზმით ერთვებიან.
მათ შორისაა პროფესიული უნარების სააგენტოს ქვეპროგრამის „საჯარო სკოლებში პროფესიული განათლების განვითარების ხელშეწყობა“ ფარგლებში განხორციელებული პროექტი.
აღსანიშნავია, რომ გასული წლის გაზაფხულზე განხორციელდა სასერტიფიკატო პროგრამა „კომპიუტერის პროგრამული უზრუნველყოფა“ კოლეჯ „ერქვანის“ ჩართულობითა და მხარდაჭერით.
მიმდინარე წლის იანვრიდან კი კოლეჯის ჩართულობითა და მხარდაჭერით ხორციელდებოდა ახალი კურსები კერძოდ - „საოჯახო სასტუმროს მართვა“.
აღნიშნულ კურსში ჩართულნი იყვნენ სკოლის მე-10 და მე-11 კლასების მოსწავლეები. კურსის დასრულების შემდეგ მოსწავლეებს გადაეცათ სერტიფიკატი.
„მადლობას ვუხდით პროფესიული უნარების სააგენტოსა და კოლეჯ „ერქვანს“ მხარდაჭერისთვის. წარმატებებს ვუსურვებთ ჩვენს სკოლასა და მოსწავლეებს“, - აღნიშნავენ სკოლაში.
იხილეთ ფოტოები:
