ლანჩხუთის მუნიციპალიტეტის სოფელ ჩოჩხათის საჯარო სკოლის გულიანის სექტორში, ჯურუყვეთის N2 და ახალსოფლის საჯარო სკოლებში სასწავლო წელი აქტიურად მიმდინარეობს. 

ჩოჩხათის საჯარო სკოლის პედაგოგის რუსუდან პაქსაძის ორგანიზებით, პროექტი - „გვაერთიანებს თანადგომისა და მშვიდობის სურვილი“ გაიმართა. მასში სამივე სკოლა მონაწილეობდა. მოეწყო პროექტის შემაჯამებელი ღონისძიება. 

აღნიშნული პროექტი სამ ნაწილად იყო დაყოფილი. პირველი ნაწილი - ახალსოფლის საჯარო სკოლაში, მეორე ნაწილი - ჯურუყვეთის სკოლაში, ხოლო მესამე ნაწილი - ჩოჩხათის საჯარო სკოლის გულიანის სექტორში შეჯამდა.

პროექტი საქართველოს საპატრიარქოს საქველმოქმედო ფონდ „ლაზარეს“ მხარდაჭერითა და დაფინანსებით განხორციელდა. საგრანტო პროგრამის მიზანი იყო: ხელი შეუწყოს საქართველოს ზოგადი განათლების საფეხურზე სამშვიდობო განათლების დანერგვას, მასწავლებლებისა და მოსწავლეების ინიციატივების გამოჩენისა და ჩართულობას.