შილდის N2 საჯარო სკოლაში გაზაფხულის პირველი დღესასწაული ფერადი ღონისძიებით აღინიშნა
02-04-2024
ყვარლის მუნიციპალიტეტის სოფელ შილდის N2 საჯარო სკოლაში სასწავლო წლის განმავლობაში მოსწავლეთა შემოქმედებითი უნარების წარმოჩენა-განვითარებისა და მოტივაციის ამაღლების მიზნით, არაერთი საინტერესო აქტივობა იმართება.
მათ შორის იყოს გაზაფხულის პირველი დღესასწაულის - დედის დღისადმი მიძღვნილი ლამაზი ღონისძიება, რომელიც მე-2 კლასში, დამრიგებელის- ია იორდანიშვილის ხელმძღვანელობით ჩატარდა.
ღონისძიებაზე, მოსწავლეებმა ლექსები წაიკითხეს, შეასრულეს მუსიკალური ნომრები - მათ ეს დღე მიუძღვნეს პედაგოგებს და დედებს.
ბავშვების შემოქმედებითი უნარებით დამსწრე საზოგადოება მოიხიბლა და დადებითი ემოციებით დაიმუხტა.
ეს დღე ემოციური და დაუვიწყარი აღმოჩნდა იქ მყოფი თითოეული ადამიანისთვის.
იხილეთ ფოტოები:
სკოლების სიახლეები
