მიხეილ ხერგიანის სახელობის დაბა მესტიის N2 საჯარო სკოლაში საქართველოს უახლესი ისტორიის სწავლებას დიდი ყურადღება ეთმობა. ამიტომაც, ბუნებრივია, რომ სასკოლო საზოგადოების ყურადღების მიღმა არც ერთი მნიშვნელოვანი თარიღი არ რჩება. 

ა️მჯერად, სკოლაში 9 აპრილთან დაკავშირებით, ნაზიბროლა გულბანის ხელმძღვანელობით, თემატური ღონისძიება გაიმართა. მის მიმდინარეობაში მოსწავლეები დიდი პასუხისმგებლობით ჩაერთნენ. 

მათ სკოლის ეზო ტიტებით მორთეს, ლექსები წაიკითხეს, სანთლები დაანთეს და გმირულად დაღუპულთა ხსოვნას პატივი მიაგეს. თემატური ნახატი კი მე-11 კლასის მოსწავლე გიორგი სართანიამ დახატა. 

მოსწავლეებს 9 აპრილის ტრაგედიაზე პედაგოგი მურთაზ ფალიანი ესაუბრა. ღონისძიება დიდი პოეტის, ლადო ასათიანის ლექსის - „საქართველო“ შემდეგი სტროფით დაასრულეს: 

„რადგან სიცოცხლე ასე ნავარდობს,

სიკვდილის ყველა კარი დარაზეთ,

და იმ ბედნიერ დღეს გაუმარჯოს,

როცა ჩვენ გავჩნდით ამ ქვეყანაზე“.

შეგახსენებთ, რომ 1989 წლის 9 აპრილს გამთენიისას თბილისში, რუსთაველის გამზირზე, საბჭოთა კავშირის სადამსჯელო ნაწილებმა მშვიდობიანი საპროტესტო აქცია დაარბიეს. შედეგად, დაიღუპა 21 ადამიანი, 2000-ამდე პირი კი მოიწამლა. ზუსტად 2 წლის შემდეგ, საქართველოს უზენაესმა საბჭომ, ზვიად გამსახურდიას მეთაურობით, საქართველოს დამოუკიდებლობის აქტი მიიღო. 9 აპრილი საქართველოს უახლეს ისტორიაში ტრაგედიისა და ამავდროულად, საქართველოს დამოუკიდებლობის აღდგენის დღედ ჩაეწერა. 

იხილეთ ფოტოები: