„ჭადრაკის სასახლე ჩემი წარმოსახვით“- ჯუმის საჯარო სკოლის მე-2 კლასის მოსწავლეებმა კომპლექსური დავალება წარმატებით შეასრულეს
19-04-2024
ზუგდიდის მუნიციპალიტეტის სოფელ ჯუმის საჯარო სკოლის მასწავლებლები მოსწავლეებს სხვადასხვა საინტერესო და მამოტივირებელ აქტივობას სთავაზობენ.
ამჯერად, პედაგოგ თამარ ჟვანიას ხელმძღვანელობით, მე-2 კლასის მოსწავლეებმა საგან ჭადრაკში კომპლექსური დავალება შეასრულეს. მისი თემა იყო - „ჭადრაკის სასახლე ჩემი წარმოსახვით“. მეორეკლასელებმა დიდი მონდომებით იმუშავეს, ფანტაზიას გასაქანი მისცეს და საინტერესო ნამუშევრები დაამზადეს.
როგორც პედაგოგი აღნიშნავს, მოსწავლეებმა შემოქმედებითი ნიჭი და უნარები გამოავლინეს. მათმა ნამუშევრებმა კი დიდი მოწონება დაიმსახურა.