ხაშურის მუნიციპალიტეტის სოფელ ბეკამის საჯარო სკოლაში სასწავლო წელი მრავალფეროვანი აქტივობებითაა გაჯერებული.
ამჯერად, სკოლაში დედამიწის დღესთან დაკავშირებული კვირეულის ფარგლებში, აქტივობები სხვადასხვა საგანში, მე-2 მე-6 კლასებში ჩატარდა. მათ ბუნებისმეტყველების მასწავლებელი - ნინო მანანაძე, ხელოვნების მასწავლებელი - თამარ ქუშაშვილი და ისტ-ის პედაგოგი - ნატო სომხიშვილი უძღვებოდნენ.
მოსწავლეები გაეცნენ ადამიანის ეკონაკვალევის მნიშვნელობას, მოაწყეს დისკუსია, შეავსეს კითხვარი და შექმნეს პოსტერი - „როგორ შევამცირო ჩემი ეკონაკვალევი“.
ისინი ინფორმაციას ნიადაგის მართვასა და ბიომრავალფეროვნებასთან დაკავშირებითაც გაეცნენ. მოსწავლეებმა გააფერადეს სურათები, მოხატეს ბუშტები, უმღერეს პლანეტას, დარგეს მცენარეები და შექმნეს პოსტერი - „გავუფრთხილდეთ დედამიწას“.
გარდა ამისა, ინტერნეტიდან ამობეჭდეს ბუნების სურათები და გააფერადეს. ასევე power point-ში აწყობილი პრეზენტაცია გამართეს.
„მადლობა ჩვენს მოსწავლეებსა და მასწავლებლებს“,- ამბობენ სკოლაში.
იხილეთ ფოტოები: