წყალტუბოს მუნიციპალიტეტის სოფელ მაღლაკის საჯარო სკოლის მოსწავლეები ეროვნულ ღირებულებებზე იზრდებიან, მათი პატრიოტული სულისკვეთების ამაღლებაზე კი პედაგოგები ზრუნავენ.
სწორედ პატრიოტული სულისკვეთებით იყო განმსჭვალული 9 აპრილის ტრაგიკული დღისადმი მიძღვნილი ამაღელვებელი ღონისძიება.
მოსწავლეებმა 1989 წლის 9 აპრილს, თბილისში მომხდარი სისხლიანი მოვლენები გაიხსენეს და საქართველოს თავისუფლებას შეწირულ გმირთა ხსოვნას პატივი მიაგეს.
ღონისძიებაში საბაზო საფეხურის მოსწავლეები მონაწილეობდნენ. ღონისძიება პედაგოგ მეგი კუხალაშვილის ხელმძღვანელობით გაიმართა.
სკოლაში მოსწავლეებსა და მასწავლებელს შთამბეჭდავი ღონისძიებისთვის მადლობას უხდიან.
„ყოჩაღ, საბაზო საფეხურის მოსწავლეებს და მათ შესანიშნავ პედაგოგ მეგი კუხალაშვილს, ბედნიერ, მშვიდობიან საქართველოში გეცხოვროთ ქართველ ღირსეულ მომავალ თაობებს“,- ამ სიტყვებით აფასებენ ღონისძიების ავტორისა და მოწაფეების მონდომებას სკოლაში.
იხილეთ ფოტოები:
