გოჩა წულაიას სახელობის წყალტუბოს მუნიციპალიტეტის სოფელ გუმბრინის საჯარო სკოლაში ნიჭიერი, მოტივირებული მოსწავლეები, სასწავლო წლის განმავლობაში, არაერთ აქტივობასა თუ ღონისძიებაში ერთვებიან. 

ამჯერად, მოსწავლეები აკაკი წერეთლის სახელმწიფო უნივერსიტეტის „სახელმწიფო ენის“ კვირეულის ფარგლებში გამართულ კალიგრაფ ფიქრია ჭაბუკიანის მასტერკლასში მონაწილეობდნენ.

მოსწავლეებმა კალიგრაფთან ერთად იმუშავეს, ქართულ ანბანს „მოფერენ“ და ასო-ბგერები მოხატეს. ისინი აქტივობაში დიდი მონდომებითა და ინტერესით ჩაერთნენ, მათ შესაძლებლობები გამოავლინეს და დრო ნაყოფიერად გაატარეს. 

 

მოსწავლეთა ქართული ენისა და ლიტერატურის მასწავლებლები - რუსუდან გუნცაძე და ქეთევან ქომეთიანი მათ განვითარებასა და მოტივირებაზე აქტიურად ზრუნავენ.

იხილეთ ფოტოები: