წალკის მუნიციპალიტეტის სოფელ კუშის საჯარო სკოლის მოსწავლეები სხვადასხვა სასწავლო დისციპლინას, მათ შორის, ჭადრაკს დიდი მონდომებით ეუფლებიან.

I და II კლასის მოსწავლეები პროგრამის - „ჭადრაკის სწავლება ზოგადსაგანმანათლებლო სკოლების დაწყებით საფეხურზე“ ფარგლებში დაგეგმილ, საქართველოს ჭადრაკის სასკოლო ოლიმპიადის - „ნონა გაფრინდაშვილის თასის“ რეგიონულ ტურნირში მონაწილეობდნენ. 

გუნდის შემადგებლობაში შემდეგი ნორჩი მოჭადრაკეები იყვნენ:

• I კლასი - ლუსინე ავეტიანი, ანი ტატუაშვილი;
• II კლასი - ვიქტორია ადამიანი, გარიკ მეგრაბიანი.

გუნდის კაპიტანი ჭადრაკის მასწავლებელი ნაირა ავეტიან გახლდათ, მოსწავლეებმა შესაძლებლობები გამოავლინეს და მე-3 საპატიო ადგილი დაიკავეს. გუნდს საპატიო თასი და სიგელები გადაეცა.