გორის მუნიციპალიტეტის სოფელ ქერეს საჯარო სკოლის მოსწავლეებს გააზრებული აქვთ, რომ დედამიწაზე ზრუნვა თითოეული ადამიანის ვალია, ცხადია დედამიწის დღეც სკოლაში საზეიმოდ აღინიშნა.
„დედამიწა ჩვენი სახლია და მასზე ზრუნვაც ჩვენი ვალდებულება“, - ამ იდეით შთაგონებულმა მოსწავლეებმა კიდევ ერთხელ გაიაზრეს დედამიწის დღის არსი და მნიშვნელობა, აღნიშნეს თუ რამდენად მნიშვნელოვანია გარემოზე ზრუნვა და მოფრთხილება.
მე-5, მე-6, მე-7, მე-8 და მე-9 კლასების მოსწავლეებმა მრავალფეროვანი აქტივობებით გამოხატეს ზრუნვა დედამიწის მიმართ და ამ დღესთან დაკავშირებით შთამბეჭდავი ნამუშევრები შექმნეს.
ცნობისთვის, დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი ყოველწლიურად აღინიშნება 193 ქვეყანაზე მეტში.
იხილეთ ფოტოები:
