ნინოწმინდის მუნიციპალიტეტის სოფელ ორლოვკის საჯარო სკოლაში მოსწავლეთა შემოქმედებითი უნარების წარმოჩენა-განვითარებას მნიშვნელოვანი ყურადღება ექცევა. აღსანიშნავია, რომ სკოლაში არაერთი საინტერესო და მრავალფეროვანი ღონისძიებები იმართება.
ამჯერად, სკოლაში, აღდგომის ბრწყინვალე დღესასწაულთან დაკავშირებით საინტერესო აქტივობები განხორციელდა.
სკოლის ხელოვნების მასწავლებელმა - ვენერა სეირანიანმა და მოსწავლეებმა შექმნეს აღდგომის ბრწყინვალე დღესასწაულთან დაკავშირებით ხელნაკეთი ნივთები. სკოლაში, ასევე მოეწყო მათი ნამუშევრების გამოფენა, სადაც საუკეთესო ხელნაკეთი ნამუშევრის შესრულებისა და აქტივობაში მონაწილეობისთვის თითოეული მოსწავლე დაჯილდოვდა - მათ გადაეცათ სერტიფიკატები.
გამოფენის ბოლოს ბავშვებმა, სურვილისამებრ საჩუქრად გადასცეს მასწავლებლებს თავიანთი ნამუშევრები.
სკოლაში აღდგომის ბრწყინვალე დღესასწაულს ყველას ულოცავენ.
იხილეთ ფოტოები:
