შერიფ ხიმშიაშვილის სახელობის შუახევის მუნიციპალიტეტის სოფელ ნიგაზეულის საჯარო სკოლის მოსწავლეები გარემოს დაცვის მნიშვნელობას ნათლად აცნობიერებენ, რადგან მათი ეკოცნობიერების ამაღლებაზე პედაგოგები აქტიურად ზრუნავენ.
22 აპრილს, მოსწავლეებმა დედამიწის დღე აღნიშნეს. პედაგოგებმა მოსწავლეები არაერთ აქტივობაში ჩართეს და ბავშვებს გარემოს დაცვისა და ბუნებრივი რესურსების დაზოგვის მნიშვნელობა კიდევ ერთხელ შეახსენეს. ბუნების პატარა ქომაგებმა ქოთნებში მცენარეები დარგეს და გარემოსდაცვითი მოწოდებებით პლაკატები შექმნეს. ბოლოს კი ერთხმად აღნიშნეს, რომ დედამიწა ჩვენი საერთო სახლია და მას მოვლა და მოფრთხილება სჭირდება.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი დედამიწის დღე ყოველწლიურად აღინიშნება 193 ქვეყანაზე მეტში.
იხილეთ ფოტოები:
