ლესიჭინეს თემის N3 საჯარო სკოლამ სააღდგომო საქველმოქმედო ბაზრობა გამართა
10-05-2024
ჩხოროწყუს მუნიციპალიტეტის ლესიჭინეს თემის N3 საჯარო სკოლის მოსწავლეები სხვადასხვა საინტერესო და საქველმოქმედო აქციაში დიდი ენთუზიაზმით ერთვებიან.
ამჯერად, სკოლის დირექციამ, პედაგოგებმა და მოსწავლეებმა, სოფლის ცენტრში საქველმოქმედო ბაზრობა გამართეს, სადაც სააღდგომო დეკორაციები, წითლად შეღებილი კვერცხები და პასკები იყო წარდგენილი.
მოსწავლეები აქციაში, დიდი ენთუზიაზმითა და მონდომებით იყვნენ ჩართულნი.
სკოლაში მადლობას უხდიან საქველმოქმედო აქციის მონაწილეებს.
„მადლობა ყველა იმ პირს, ვინც ხელი შეუწყო და მონაწილეობდა ამ კეთილი საქმის განხორციელებაში“, - აღნიშნავენ სკოლაში.
როგორც გვიყვებიან, შემოსული თანხის ნაწილი მათი, მაცხოვრის ხელთუქმნელი ხატის სახელობის ტაძრის მშენებლობის ფონდში ჩაირიცხება.
იხილეთ ფოტოები:
სკოლების სიახლეები
