„ნუ მიაყენებ დედამიწას ზიანს შენი ქცევით!“ - მუჟალის საჯარო სკოლის მოსწავლეთა მოწოდება
10-05-2024
რევაზ მარგიანის სახელობის მესტიის მუნიციპალიტეტის სოფელ მუჟალის საჯარო სკოლაში მოსწავლეთა ეკოცნობიერების ამაღლებას დიდი ყურადრება ექცევა, შესაბამისად მოსწავლეები გარემოს დაცვის მნიშვნელობას ნათლად აცნობიერებენ.
22 აპრილს, IV კლასის მოსწავლეებმა, დამრიგებლის მარიამ ზურებიანის ხელმძღვანელობით, დედამიწის დღე აღნიშნეს.
„ჩვენ გვჭირდება სუფთა ჰაერი!“, „ვიცხოვროთ სუფთა გარემოში!“, „ნუ მიაყენებ დედამიწას ზიანს შენი ქცევით!“ - აღნიშნული მოწოდებებით მოსწავლეებმა ვიდეორგოლი ჩაწერს და საზოგადოებას შეახსენეს, რომ დედამიწა ჩვენი საერთო სახლია და მას მოვლა და მოფრთხილება სჭირდება.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი დედამიწის დღე ყოველწლიურად აღინიშნება 193 ქვეყანაზე მეტში.
იხილეთ ვიდეო:
სკოლების სიახლეები
