„შექმენი შენი ხელით“ - კუმურდოს საჯარო სკოლის მოსწავლეებმა ქოთნებში ბოსტნეული დათესეს
08-05-2024
ახალქალაქის მუნიციპალიტეტის სოფელ კუმურდოს საჯარო სკოლის პედაგოგები მოსწავლეებს მოტივაციისა და განწყობის ამაღლების მიზნით, საინტერესო აქტივობებით გაჯერებულ დავალებებს სთავაზობენ.
ამჯერად, მე-3 კლასის მოსწავლეებმა, ქართულის, როგორც მეორე ენის გაკვეთილზე, ზღაპარი „თალგამი“ შეისწავლეს. შემდგომ კი დავალება „შექმენი შენი ხელით“ შესანიშნავად შეასრულეს. დავალების ფარგლებში, მათ კლასში, პატარა ქოთნებში სხვადასხვა ბოსტნეული დათესეს და გაზარდეს.
აქტივობებში ისინი დიდი ენთუზიაზმითა და ხალისით იყვნენ ჩართულნი.
მოსწავლეებს მასწავლებელი ნარინე კარკარიანი ხელმძღვანელობდა.
აღსანიშნავია, რომ მსგავსი აქტივობები და დავალებები მოსწავლეთა მრავალმხრივ განვითარებას ხელს უწყობს.
იხილეთ ფოტოები:
სკოლების სიახლეები
