თელავის მუნიციპალიტეტის სოფელ ქვემო ხოდაშნის საჯარო სკოლაში სასწავლო წელი საინტერესო და მრავალფეროვანი აქტივობებითაა დატვირთული, რომლებშიც მოსწავლეები აქტიურად ერთვებიან.
ამჯერად, სკოლის ბიბლიოთეკაში I-XI კლასების მოსწავლეების მონაწილეობითა და მშობელთა ჩართულობით, ამავე სკოლის კურსდამთავრებულის - პოეტ ნელი საგინაძის პოეზიის საღამო მოეწყო.
პოეზიის საღამოზე მიწვეული იყო კურსდამთავრებული ნელი საგინაძე, სადაც მოსწავლეებმა წაიკითხეს მისი ლექსები და შეასრულეს სიმღერები.
„ქალბატონი ნელის თითოეულ ლექსში იგრძნობა ქართული სული, ტრადიციების პატივისცემა, ქალების მიმართ მოწიწება“, - აღნიშნავენ სკოლაში.
უფალი, ქართველობა, საქართველო - პოეტის მთავარი მიზანია, რაც შემდეგ ლექსშიც აისახება:
„უქართველოდ, ლოცვაც არ შეიწირება,
უქართველოდ, სულიც არ ამღერდება,
უქაეთველოდ, კავკასია დაბერდება,
უქართველოდ?! დედამიწა გაჩერდება“
„პოეტ ქალბატონს მართლაც მიზნად აქვს დასახული მომავალი თაობებისთვის ღვთაებრივ-ტრადიციული ადათების გადაცემა, ქართული სულის პატივისცემა“, - ამბობენ სკოლაში.
სკოლა მადლობას უხდის კურსდამთავრებულ პედაგოგს მშობლიურ სკოლაში სტუმრობისთვის, თბილი სიტყვებისა და ემოციებისთვის.
„ვისურვებდით, ქალბატონო ნელი, მრავალი თქვენნაირი საამაყო ქალბატონი აღეზარდოს ჩვენს სკოლას“, - აღნიშნავენ სკოლაში.
იხილეთ ფოტოები:
