დედამიწას, რომ ჩვენი საერთო სახლია და მას დაცვა და მოფრთხილება სჭირდება წალენჯიხის მუნიციპალიტეტის ნაკიფუს თემის N2 საჯარო სკოლის მოსწავლეებმა კარგად იციან, რადგან პედაგოგები მათ გარემოზე მზრუნველობას დაწყებითი კლასებიდანვე ასწავლიან.
22 აპრილს სკოლაში დედამიწის დღე აღინიშნა. მასშტაბურ გარემოსდაცვით ღონისძიებას მოსწავლეები მრავალფეროვანი ეკოაქტივობებით შეუერთდნენ, მათ შორის ბროშურები დაამზადეს, სადაც ბუნებრივი რესურსების დაზოგვისა და მოფრთხილების აუცილებლობაზე გაამახვილეს ყურადღება, ასევე მოწოდებით გადავარჩინოთ დედამიწა პლაკატი შექმნეს და სკოლის ეზოს მოვლა-პატრონობაზეც იზრუნეს.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი დედამიწის დღე ყოველწლიურად აღინიშნება 193 ქვეყანაზე მეტში.
იხილეთ ფოტოები:
