წალენჯიხის მუნიციპალიტეტის საჩინოს თემის N1 საჯარო სკოლაში მოსწავლეთა მოტივირებაზე, ჯანსაღი ცხოვრების წესითა და სპორტით დაინტერესებაზე აქტიურად ზრუნავენ. 

ამჯერად, სპორტის მასწავლებლების ინიციატივითა და ხელმძღვანელობით, ფეხბურთში შიდასასკოლო ტურნირი, გარდამავალ თასზე ჩატარდა. მასში საბაზო და საშუალო საფეხურის მოსწავლეები მონაწილეობდნენ. მათ შესაძლებლობები გამოავლინეს და ღირსეულად იასპარეზეს.

შეჯიბრი საინტერესოდ წარიმართა. პირველი ადგილი მე-10 კლასელთა, ხოლო მეორე ადგილი - მე-11 კლასელთა გუნდმა მოიპოვა. გამარჯვებულებს გადაეცათ შესაბამისი პრიზები.

სკოლაში მათ წარმატებას უსურვებენ.