ცაგერის მუნიციპალიტეტის სოფელ ზუბის საჯარო სკოლამ მუნიციპალიტეტის მთავარ ბიბლიოთეკასთან ერთად შთამბეჭდავი პროექტი განახოციელა.
ბიბლიოთეკისა და ზუბის საჯარო სკოლის ერთობლივი პროექტი - „ეს ქვეყანა ჩემია“ ცაგერის მუნიციპალიტეტის მთავარ ბიბლიოთეკაში, ბიბლიოთეკების კვირეულის ფარგლებში, ჩატარდა.
ზუბის საჯარო სკოლამ (დირექტორი ნანული კუხალაშვილი) წარადგინა პროექტი სოფლის სახელოვანი წარსულის, აწმყოსა და მომავლის შესახებ.
ღონისძიება გახსნა მთავარი ბიბლიოთეკის დირექტორმა - ბელა საღინაძემ. ზუბის საჯარო სკოლის მოსწავლეების მიერ წარდგენილი ვიდეორგოლი ასახავდა სოფელ ზუბის ისტორიის უმნიშვნელოვანეს დეტალებს - სოფლის ისტორიული ადგილების, სახელოვანი ადამიანებისა და სოფელში კარგად განვითარებული დარგის - მევენახეობის შესახებ.
მოსწავლეებმა წარმოადგინეს ლიტერატურული კომპოზიცია მშობლიურ სოფელზე.
მთავარი ბიბლიოთეკის დირექტორმა - ბელა საღინაძემ ღონისძიების მონაწილეებს სამახსოვრო საჩუქრები გადასცა.
აღნიშნული პროექტი, ეტაპობრივად, მუნიციპალიტეტის ყველა საჯარო სკოლაში გაგრძელდება.
ღონისძიებას ესწრებოდნენ საგანმანათლებლო რესურსცენტრის უფროსი ირაკლი სილაგაძე და მერიის განათლების, კულტურის,სპორტის სამსახურის უფროსი გოგი კვირიკაშვილი.