წალკის მუნიციპალიტეტის სოფელ ბარეთის და წალკის N1 საჯარო სკოლების ერთობლივი გარემოსდაცვითი აქტივობის ფარგლებში, მოსწავლეებმა წალკის N2 საჯარო სკოლაში ნერგები დარგეს.
აღსანიშნავია, რომ წალკის ადგილობრივი განვითარების ჯგუფი (LAG ) ახორციელებს პროექტს - „მდგრადი და ინკლუზიური ადგილობრივი განვითარება“. აღნიშნული პროექტი განხორციელდა აღმოსავლეთ პარტნიორობის ქვეყნებში სამოქალაქო საზოგადოების გაძლიერების პროგრამის ფარგლებში და მხარდაჭერილია გერმანიის ეკონომიკური თანამშრომლობისა და განვითარების ფედერაციის სამინისტროს მიერ. სწორედ ამ პროექტის ფარგლებში გაიმართა სკოლების ერთობლივი აქტივობაც.
პროექტის ფარგლებში, წალკის N1 და ბარეთის საჯარო სკოლებში ხორციელდება გარემოსდაცვითი მიმართულების არაფორმალური განათლების კურიკულუმის დანერგვა, კურიკულუმის ერთ-ერთი აქტივობა ხეების დარგვის აქციაა, რომელიც დედამიწის დღეს მიეძღვნა.
აღსანიშნავია, რომ სკოლებს ქართული კაკლის ნერგები დონორმა შეუძინა. რამდენიმე ნერგი წალკის N2 საჯარო სკოლის ეზოში დაირგო, რომელიც ამ ეტაპზე წალკის N1 საჯარო სკოლის მასპინძელია სკოლის შენობის რეაბილიტაციის გამო.
სკოლები მადლობას უხდიან დონორს და ბავშვებს დახმარებისთვის.