ჭიათურის მუნიციპალიტეტის სოფელ ხალიფაურის საჯარო სკოლის დირექტორი ნინო გურული კარიერულ წინსვლასა და განვითარებაზე ორიენტირებული პიროვნებაა. ის სხვადასხვა შემეცნებით, საგანმანათლებლო სახის შეხვედრებს აქტიურად ესწრება და ცოდნას მუდმივად იმაღლებს.
ამჯერად, ის 9 მაისთან დაკავშირებით, შემეცნებით ლექციას დაესწრო. პედაგოგებისათვის ორგანიზებული პროგრამის ფარგლებში, მან მოისმინა ლექცია თემაზე - „ჰიტლერის მმართველობა გერმანიაში, მეორე მსოფლიო ომის წინაპირობები“.
„ფაშიზმზე გამარჯვების დღე 9 მაისი აღვნიშნე საინტერესო და შემეცნებითი ლექციის მოსმენით. ეს არაჩვეულებრივი შესაძლებლობის ორგანიზატორი იყო „გენოციდის, ჰოლოკოსტისა და შეიარაღებული კონფლიქტების კვლევითი ცენტრი“ და „სამოქალაქო განათლების ცენტრი“, - გვიყვება დირექტორი.
სამამულო ომში ნაცისტურ გერმანიაზე გამარჯვებას საქართველოსა და სხვა პოსტსაბჭოთა ქვეყნები 9 მაისს აღნიშნავენ. თარიღი საქართველოს მთავრობის დადგენილებით უქმე დღედ არის გამოცხადებული.
იხილეთ ფოტოები:
