ლაგოდეხის N3 საჯარო სკოლის მე-2 კლასის მოსწავლეებმა მშობლების როლსა და ამაგს ღია გაკვეთილი მიუძღვნეს
14-05-2024
იაკობ გოგებაშვილის სახელობის ლაგოდეხის N3 საჯარო სკოლის პედაგოგები მოსწავლეებს საინტერესო და მათ ინტერესებს მორგებულ სასწავლო პროცესს სთავაზობენ.
ამჯერად, მე-2ა კლასში მშობლებისადმი მიძღვნილი ღია გაკვეთილი გაიმართა, რომელშიც მოსწავლეები დიდი ინტერესითა და ხალისით მონაწილეობდნენ.
„სულ სხვა თვალით დანახული ტკბილი შვილები“, - ასეთი იყო გზავნილი გაკვეთილიდან, რომელმაც არა მარტო სასკოლო საზოგადოების, არამედ მშობლების დიდი მოწონება დაიმსახურა.
აღსანიშნავია, რომ გაკვეთილი საგან მუსიკაში, მასწავლებლების: ნინა ყოჩიაშვილისა და ირინა წიკლაშვილის ხელმძღვანელობით გაიმართა.
„ნიჭიერი და შემოქმედი ბავშვები“, - ბოლოს კი, ასე შეაქეს პედაგოგებმა მოსწავლეები.
იხილეთ ფოტოები:
სკოლების სიახლეები
