სამტრედიის მუნიციპალიტეტის სოფელ ტოლების საჯარო სკოლაში მოსწავლეთა წარმატება განსაკუთრებით ახარებთ, მათი მიღწევები დაფასებული და წახალისებულია. 

სკოლის ერთ-ერთი წარმატებული და ნიჭიერი მოსწავლეა მე-7 კლასელი სანდრო გურგენაძე. მოსწავლე განსაკუთრებული მუსიკალურობით გამოირჩევა, ის ერთ-ერთ პოპულარული მუსიკალური პროექტის - „რანინას“ მონაწილეა, სადაც შესაძლებლობები წარმატებით წარმოაჩინა, საზოგადოების დიდი მოწონება დაიმსახურა და პედაგოგებსა და თანასკოლელებს სიამაყის საფუძველი მისცა. 

სკოლაში მოსწავლის წარმატებით ხარობენ და მას წინსვლას უსურვებენ.

„ბედნიერებაა, როცა ჩვენი სკოლის მე-7 კლასის მოსწავლე სანდრო გურგენაძე ასეთ დიდ წარმატებას აღწევს. სანდრო, შენ უკვე ჩამოყალიბებული მომღერალი ხარ, სულს რომ ჩასწვდება ისე მღერი! გვეამაყები ჩვენო ნიჭიერო“, - ამბობენ სკოლაში. 

აღსანიშნავია, რომ სასკოლო საზოგადოების მხარდაჭერა მოსწავლეთა მოტივაციასა და განწყობას ამაღლებს.

იხილეთ ვიდეო ბმულზე