ხაშურის მუნიციპალიტეტის სოფელ ქინძათის საჯარო სკოლის მოსწავლეებმა გარემოს დაცვის მნიშვნელობა კარგად იციან, რადგან მათი ეკოცნობიერების ამაღლებაზე პედაგოგები ზრუნავენ.
22 აპრილს, ქინძათის საჯარო სკოლის1- ლი და მე-3 კლასის მოსწავლეებმა, დედამიწის დღესთან დაკავშირებით, გამართეს საინტერესო პრეზენტაცია.
მათ პაწაწინა ხელებით დაამზადეს „საყვავილე ფუტკრები“ და დედამიწის მოდელი - „გლობუსი“.
მოსწავლეებმა მეორეულ ნივთებს ახალი სიცოცხლე შესძინეს და შემოქმედებითი ნიჭი და შესაძლებლობები წარმოაჩინეს.
სკოლაში მოსწავლეთა მონდომება და პედაგოგთა კრეატიულობა და ორიგინალური მიდგომები ახარებთ.
„წარმატებები, ჩვენს ყოჩაღ პატარებს და მათ საუკეთესო მასწავლებლებს“,- აღნიშნავენ სკოლაში.
მოსწავლეთა კლასის ხელმძღვანელი ლალი გოგალაძე გახლავთ, მათემატიკის მასწავლებელი კი ლალი კაკიაშვილი, სწორედ მათი ინიციატივით განხორციელდა საინტერესო აქტივობა.
იხილეთ ფოტოები: