მერაბ ახვლედიანი ცაგერის მუნიციპალიტეტში, ნასპერის საჯარო სკოლაში მათემატიკის მასწავლებლად მუშაობს. მან პედაგოგიური საქმიანობა 1989 წელს დაიწყო, 2016 წლიდან კი სერტიფიცირებული უფროსი მასწავლებლის სტატუსით სარგებლობს.

მერაბ ახვლედიანის მოსწავლეები ჩართულები არიან სხვადასხვა კონკურსსა და ოლიმპიადაში, სადაც არაერთხელ მოიპოვეს საპრიზო ადგილები. მისმა სამმა მოსწავლემ ეროვნულ ოლიმპიადაში წარმატებას მიაღწია და ნასპერის სკოლა 5000 ლარით დაჯილდოვდა, რაც მოსწავლეებისთვის დიდი მოტივაცია გახდა. პედაგოგი, მოსწავლეებს დამატებით გაკვეთილებს ყოველგვარი ანაზღაურების გარეშე უტარებს.

აღსანიშნავია, რომ საქმისადმი უანგარო დამოკიდებულებისა და მაღალი პროფესიონალიზმის გამო იგი კოლეგებმა დაწყებითი განათლების პროექტის (G–pried) ფასილიტატორად აირჩიეს.