„გავუფრთხილდეთ, მოვუაროთ და ვიზრუნოთ!“ - ზემოხეთის საჯარო სკოლის მოსწავლეთა მოწოდება და საინტერესო ეკოაქტივობები
17-05-2024
ჩოხატაურის მუნიციპალიტეტის სოფელ ზემოხეთის საჯარო სკოლის პედაგოგები მოსწავლეებს პასუხისმგებლიან მოქალაქეებად ზრდიან და საგნობრივ დისციპლინებთან ერთად, გარემოს დაცვასა და მოფრთხილებას ასწავლიან.
22 აპრილს მოსწავლეებმა დედამიწის დღე აღნიშნეს. ბავშვები არაერთ ეკოაქტივობაში ჩაერთნენ, მათ შორის გარემოსდაცვით თემატიკაზე ნამუშევრები შექმნეს გარემოს დაცვის მნიშვნელობა კიდევ ერთხელ გაიაზრეს და აღნიშნეს, რომ დედამიწა ჩვენი საერთო სახლია და მას დაცვა და მოფრთხილება სჭირდება.
„გავუფრთხილდეთ, მოვუაროთ და ვიზრუნოთ!“,- ასეთია მოსწავლეთა მოწოდება.
დედამიწის დღე ყოველწლიურად 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭრი ღონისძიებები.
იხილეთ ფოტოები:
სკოლების სიახლეები
