ახმეტის მუნიციპალიტეტის სოფელ ომალოს საჯარო სკოლის მოსწავლეები იღებენ როგორც ხარისხიან ფორმალურ განათლებას, ასევე აქტიურად არიან ჩართულნი არაფორმალური განათლების პროექტებში.
ომალოს საჯარო სკოლის მოწაფეები 12 აპრილს, ახმეტის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა სამსახურის ორგანიზებით, დედა ენის დღისადმი მიძღვნილ ესეების კონკურსს შეუერთდნენ.
კონკურსი IX-XII კლასის მოსწავლეთათვის ჩატარდა და მასში მუნიციპალიტეტის ექვსი საჯარო სკოლა მონაწილეობდა.
მოსწავლეები კონკურსში ხალისით ჩაერთნენ და შემოქმედებითი შესაძლებლობები წარმოაჩინეს.
აღსანიშნავია, რომ ახმეტის მუნიციპალიტეტის მერმა ალექსი ფიცხელაურმა სხვადასხვა ნომინაციაში გამარჯვებული ბავშვები წიგნებით დააჯილდოვა. ყველა მონაწილეს კი სიგელი გადაეცა.
იხილეთ ფოტოები:
