ლანჩხუთის N1 საჯარო სკოლის მეთორმეტეკლასელებისთვის „ბოლო ზარი“ საზეიმოდ დაირეკა
20-05-2024
ლანჩხუთის N1 საჯარო სკოლიდან მეთორმეტეკლასელები დიდი სიყვარულით, საზეიმო ღონისძიებით გააცილეს.
ემოციებით დატვირთული, შთაბეჭდილებებით აღსავსე და დასამახსოვრებელი დღე, რომელიც ღრმად დაილექება სასკოლო საზოგადოების მეხსიერებაში.
მოსწავლეებმა 12-წლიანი სასკოლო ცხოვრება ასე, სკოლის ეზოში გამართული ჟრიამულით დააგვირგვინეს, პედაგოგებს მადლობა გადაუხადეს გაწეული შრომისთვის და ერთმანეთს საუკეთესო სურვილები თეთრ პერანგზე დააწერეს.
„დასრულდა ბავშვობა, ცხოვრების ყველაზე ლამაზი და ტკბილი ეტაპი. წინ გრძელი და საინტერესო მგზავრობა გელით... გზა მშვიდობისა და გზა წარმატებისა!“, - ამ სიტყვებით გააცილეს სკოლიდან ახალგაზრდები.
იხილეთ ვიდეო
სკოლების სიახლეები
