ჭიათურის N4 საჯარო სკოლაში მე-12 კლასელებისთვის „ბოლო ზარი“ საზეიმო ვითარებაში დაირეკა
ჭიათურის N4 საჯარო სკოლიდან მეთორმეტეკლასელები დიდი სიყვარულითა და ზარ-ზეიმით გააცილეს.
სკოლაში, აღნიშნულ დღესთან დაკავშირებით, მრავალფეროვანი ღონისძიება გაიმართა, რომელშიც დაწყებითი კლასების მოსწავლეები აქტიურად იყვნენ ჩართულნი. მათ კურსდამთავრებულებს სკოლის დამთავრება ლექსებითა და სიმღერებით მიულოცეს.
მე-12 კლასელებმა კი ერთმანეთს თეთრ მაისურებზე სამახსოვრო წარწერები დაუტოვეს და მიზნების მიღწევა უსურვეს. მათ, ასევე სკოლაში გატარებული წლები გაიხსენეს და პედაგოგებს მათ განათლებაში ჩადებული შრომისთვის მადლობა გადაუხადეს.
სასკოლო საზოგადოება თითოეულ მე-12 კლასელს სკოლის დამთავრებას სიყვარულით ულოცავს.
„ფერად, წარმატებებით სავსე ცხოვრებას გისურვებთ! მომავალი თქვენია“, - აღნიშნავენ სკოლაში.
იხილეთ ფოტოები: