საზეიმო „ბოლო ზარი“ და ზღვა ემოცია თბილისის N64 საჯარო სკოლაში
23-05-2024
თბილისის N64 საჯარო სკოლის მასწავლებლები ზრუნავენ, რომ სამშობლოს სასახელო, წარმატებული და ღირსეული მოქალაქეები აღუზარდონ.
წელს სკოლამ მოსწავლეთა კიდევ ერთი თაობა დააფრთიანა. კურსდამთავრებულთათვის „ბოლო ზარი“ საზეიმოდ დაირეკა. მათთვის მშობლიურ სასწავლო გარემოსა და საყვარელ პედაგოგებთან გამომშვიდობება, რასაკვირველია, ემოციური იყო.
მეთორემტეკლასელებმა, ბუშტებითა და შესაბამისი დეკორაციით მორთულ გარემოში, შემოქმედებითი ნომრებიც გამართეს, სკოლაში ფერადი კვამლი გაუშვეს და ერთმანეთს სამახსოვრო წარწერები დააწერეს.
სკოლაში მათ უდიდეს წარმატებას უსურვებენ.
„დავულოცეთ გზა ჩვენს აღზრდილებს... დაე, ეროვნული ღირსებით და პატრიოტული სულისკვეთებით განმსჭვალულებს შეეტანოთ წვლილი ქვეყნის კეთილდღეობასა და აღმშენებლობაში“,- ამბობენ სკოლაში.
იხილეთ ფოტოები:
სკოლების სიახლეები
