თბილისის N128 საჯარო სკოლაში მოსწავლეთა მოტივირებასა და წარმატებულ მომავალზე ორიენტირებული მრავალფეროვანი სასწავლო გარემოა ჩამოყალიბებული.
ამჯერად იქ, მოსწავლეთა თვითმმართველობის ორგანიზებით, გუნდური ინტელექტუალური შეჯიბრი - „ტვინების ბრძოლა“ გაიმართა, რომელშიც სხვადასხვა ასაკობრივი კატეგორიის 37 გუნდი მონაწილეობდა.
მოსწავლეებმა შესაძლებლობები გამოავლინეს და სკოლის ჩემპიონობა შემდეგმა გუნდებმა მოიპოვეს:
I კატეგორია (III, IV, V კლასები) - III⁵ კლასი, გუნდი „ირმის ნახტომი", დამრიგებელი მაკა კოპალეიშვილი; V¹ კლასი, გუნდი „მწიგნობრების სათვალე“, დამრიგებელი ნონა არჯევანიძე.
II კატეგორია (VI, VII, V,III კლასები) - VII³ კლასი, გუნდი „ნერდები", დამრიგებელი ციცინო მჟავანაძე.
III კატეგორია (IX, X, XI, XII კლასები) - XI კლასელების ნაკრები გუნდი „2⁷", დამრიგებლები ნინო კვესელაძე, თეა ძაგნიძე, ქეთევან ძნელაძე.
„გამარჯვებულ გუნდებს ვულოცავთ სასკოლო პირველობას და ვუსურვებთ წარმატებებს საქალაქო ასპარეზობაზე“,- ამბობენ სკოლაში.
იხილეთ ფოტოები: