ყვარლის მუნიციპალიტეტის სოფელ სარუსოს საჯარო სკოლის პედაგოგები მოსწავლეებს საინტერესო გაკვეთილებს სთავაზობენ და სასწავლო პროცესს ამრავალფეროვნებენ.
ქართული ენისა და ლიტერატურის მასწავლებლის - ლეილა მამულაშვილის ხელმძღვანელობით მოსწავლეებმა შეასრულეს შთამბეჭდავი აქტივობები. მათ შეისწავლეს მსოფლიოში ყველაზე დიდი წიგნის, შოთა რუსთაველის უკვდავი პოემის - „ვეფხისტყაოსნის“, ეპიზოდები.
მოსწავლეებმა, ამ სიბრძნის წიგნის მრავლისმთქმელი ტაეპების გასაცოცხლებლად შექმნეს შესანიშნავი რესურსი - „ჩარჩოში ამეტყველებული აფორიზმები“.
სკოლა სიამოვნებით გვიზიარებს, როგორც თავად მოიხენიებს, ავარიელი მოსწავლეების მიერ დიდი მონდომებით შესრულებულ აქტივობებს მაკულატურის შეგროვებიდან „აფორიზმების გაცოცხლებამდე“.
ბავშვებისთვის ძალიან საინტერესოა მაკულატურიდან ახალი ფურცლების დამზადება, რომელსაც კი არ აბარებენ, არამედ თავად შრომობენ, თავადვე ქმნიან და აწარმოებენ ახალ პროდუქტს.
იხილეთ ფოტოები:
