ყაზბეგის მუნიციპალიტეტის სოფელ სიონის საჯარო სკოლაში „ბოლო ზარი“ კიდევ ერთი თაობისთვის დაირეკა და 12-წლიანი სასკოლო ცხოვრება დიდი ზარ-ზეიმით დაგვირგვინდა.
მეთორმეტეკლასელები სკოლაში თეთრი პერანგებით მივიდნენ, რომელიც დღის ბოლოს სასკოლო საზოგადოების ემოციური წარწერებითა და საუკეთესო სურვილებით შეიმკო.
მოსწავლეობის პერიოდის, დაუვიწყარი ბავშვობისა და საკლასო ოთახში გატარებული დროის გახსენებამ მეტად დასამახსოვრებელი და ემოციური გახადა.
სასკოლო საზოგადოებამ, ბედნიერი და წარმატებული მომავალი უსურვა ახალგაზრდებს და ცხოვრების ახალ ეტაპზე, წარმატებისკენ მიმავალი გზა დაულოცა.
იხილეთ ფოტოები: