ნინოწმინდის მუნიციპალიტეტის სოფელ ეფრემოვკის საჯარო სკოლაში I კლასელთა გამოსაშვები ღონისძიება „ანბანის გაცილება“ მოეწყო.
ღონისძიებას დაწყებითი კლასის მასწავლებელი ალისა დუმოიანი ხელმძღვანელობდა.
ზეიმზე ბავშვებმა სომხური ანბანის შექმნის ისტორიაზე ისაუბრეს, წარმოთქვეს ლექსები, შეასრულეს სახალისო ნომრები - იცეკვეს, იმღერეს და თავიანთი შესაძლებლობები, ცოდნა შესანიშნავად წარმოაჩინეს.
„ღონისძიება ძალიან შთამბეჭდავი იყო. მას ამშვენებდა ულამაზესი ლექსები, მუსიკალური სპექტაკლები, საცეკვაო ნომრები და მესროპ მაშტოცისადმი მიძღვნილი ლამაზი სტრიქონები“, - გვიყვებიან სკოლაში.
მასწავლებლის ღვაწლი და შრომა აღნიშნეს მშობლებმა, დამსწრეთ და პედკოლექტივმა.
პედაგოგმა მოსწავლეებს სწავლაში წინსვლა და წარმატებები უსურვა.
„ჩვენს I კლასის მოსწავლეებს ვულოცავთ ამ ლამაზ დღესასწაულს. დაე, შეძენილი ცოდნა გახდეს მეცნიერების კარის გასაღები“, - აღნიშნავენ სკოლაში.
იხილეთ ფოტო-ვიდეომასალა: