შუახევის მუნიციპალიტეტის სოფელ ცინარეთის საჯარო სკოლის მოსწავლეები არაერთ საინტერესო აქტივობაში ერთვებიან.
ისინი 26 მაისს, მაგიდის ჩოგბურთსა და ბადმინტონში, შუახევის მუნიციპალიტეტის სასპორტო სკოლის ორგანიზებულ სპორტულ ღონისძიებაში მონაწილეობდნენ. მოსწავლეებმა შესაძლებლობები გამოავლინეს, დრო ნაყოფიერად გაატარეს და წარმატებას მიაღწიეს.
კერძოდ, დიეგო ხუჯაძემ მაგიდის ჩოგბურთში I ადგილი დაიკავა, შედეგად კი თასი, მედალი და სიგელი დაიმსახურა. გიორგი აბუსელიძე ასევე მაგიდის ჩოგბურთში II ადგილზე გავიდა და თასი, მედალი და სიგელი მოიპოვა. ბადმინტონში კი ლიზი ხუჯაძემ III ადგილი დაიკავა, შედეგად კი, მედალი და სიგელი დაიმსახურა.
სკოლაში მათი მიღწევით ხარობენ.
„გულითადად ვულოცავთ მიღწეულ წარმატებებს მოსწავლეებს, მათ მშობლებს და სპორტის მასწავლებელ ჯემალ დიასამიძეს“,- ამბობენ სკოლაში.
იხილეთ ფოტოები:
