ხელვაჩაურის მუნიციპალიტეტის სოფელ ყოროლისთავის საჯარო სკოლაში მოსწავლეებს პატრიოტულ ღირებულებებზე ზრდიან და სამშობლოს სიყვარულს უღვივებენ.
ამ მოტივით, სკოლაში, ყოველთვის განსაკუთრებულად აღინიშნება მნიშვნელოვანი თარიღები, რომლებმაც საქართველოს ისტორია შექმნა. გამონაკლისი არც 9 აპრილი ყოფილა, უმძიმესი დღე და ამავდროულად მოვლენა, რომელიც საქართველოს დამოუკიდებლობის აღდგენის საფუძველი გახდა.
ამ დღესთან დაკავშირებით, ყოროლისთავის საჯარო სკოლაში გაიმართა პატრიოტული ღონისძიება. მოსწავლეებმა და მასწავლებლებმა წუთიერი დუმილით პატივი მიაგეს 9 აპრილის გმირებს გაიხსენეს ამ დღის ქრონიკები და აღნიშნეს თუ რამდენად მნიშვნელოვანია დამოუკიდებლობისთვის ბრძოლა და შემდეგ, მისი შენარჩუნება.
ცნობისთვის, 1989 წლის 9 აპრილს, საბჭოთა ჯარის დანაყოფებმა ცეცხლსასროლი იარაღის, სასანგრე ბარების და მომწამლავი ნივთიერებების გამოყენებით დაარბიეს საქართველოს დამოუკიდებლობის მოთხოვნით, თბილისში, რუსთაველის გამზირზე, მიმდინარე მშვიდობიანი აქციის მონაწილეები. დაიღუპა 21 ადამიანი, უმეტესად - ქალები.
იხილეთ ფოტო-ვიდეომასალა:
