თამარ ბარათაშვილის სახელობის ხულოს მუნიციპალიტეტის სოფელ რაქვთის საჯარო სკოლაში, სასწავლო წლის განმავლობაში, მნიშვნელოვანი თარიღები გამორჩეულად აღინიშნება.
ამჯერად, საქართველოს დამოუკიდებლობის დღისადმი მიძღვნილი კვირეულის ფარგლებში, სკოლის მე-5, მე-6 კლასის მოსწავლეებმა, ისტორიის პედაგოგის - ბეგლარ შაინიძის ხელმძღვანელობით, სასწავლო შემეცნებითი ექსკურსია მოაწყვეს.
აქტივობის მიზანი შესწავლილი თემის -„აჭარის მხარის“ ფარგლებში წაკითხულის უკეთ აღქმა და გაცნობა იყო. როგორც სკოლაში გვიყვებიან, მოსწავლეებმა საინტერესო აქტივობებითა და შთაბეჭდილებებით დატვირთული დღე პიკნიკით დაასრულეს.
შემეცნებით ექსკურსიაში შემდეგი კლასის ხელმძღვანელები და პედაგოგები მონაწილეობდნენ: ბეგლარ შაინიძე, ამირან მიქელაძე, გერონტი შაინიძე და ჯემალ ბერიძე.
იხილეთ ფოტოები: