12-წლიანი სასკოლო ცხოვრების საზეიმო დაგვირგვინება და ემოციური „ბოლო ზარი“ კვირიკეს N1 საჯარო სკოლაში
31-05-2024
ქობულეთის მუნიციპალიტეტის სოფელ კვირიკეს N1 საჯარო სკოლამ კიდევ ერთი თაობა საზეიმოდ გააცილა და მათ წარმატებული მომავლისკენ მიმავალი გზა დაულოცა.
„ბოლო ზარი“ - ღონისძიება, რომელიც მთელი ცხოვრება დარჩება ახალგაზრდების მეხსიერებაში, მოგონება, რომელიც დაუვიწყარ,12-წლიან სასკოლო ცხოვრებას, ბავშვობას და მოსწავლეობას გაახსენებთ, დღე, რომელითაც მნიშვნელოვანი თავი ჩახურეს და ცხოვრების ახალ ეტაპზე გადავიდნენ.
ახალგაზრდების თეთრი პერანგები დღის ბოლოს სასკოლო საზოგადოების ემოციური წარწერებით, მისალოცი ტექსტებითა და საუკეთესო სურვილებით შეიმკო.
ემოციებით დატვირთულებმა, გახარებულებმა და ამავდროულად თვალცრემლიანებმა საყვარელ პედაგოგებს მადლობა გადაუხადეს გაწეული ღვაწლისთვის და მშობლიური სკოლა დატოვეს.
იხილეთ ფოტოები:
სკოლების სიახლეები
