ტყიბულის მუნიციპალიტეტის სოფელ მუხურის საჯარო სკოლაში განსაკუთრებულად ზრუნავენ მოსწავლეთა წიგნიერებაზე და მათ ლიტერატურით დაინტერესებაზე.
სწორედ ამ მიზნით, 23 მაისს, სკოლაში მკითხველთა კლუბის წევრებმა ქართველ მწერალთა შემოქმედება გააცოცხლეს, შეხვედრაზე განიხილეს XX საუკუნის ქართველი ლიტერატურის ნაწარმოებები.
შეხვედრაზე კონკრეტულად განხილული იყო დავით კლდიაშვილისა და მიხეილ ჯავახიშვილის შემოქმედება, რაც ძალიან საინტერესო და შთამბეჭდავი აღმოჩნდა მოსწავლეებისთვის.
როგორც სკოლაში გვიყვებიან, აღნიშნული აქტივობები ქართული ენისა და ლიტერატურის მასწავლებლის ნინო კორტის ინიციატივით ეწყობა, რისთვისაც სკოლა დიდი მადლობას უხდის პედაგოგს.
იხილეთ ფოტოები: