„ვარიაციები ანბანის თემაზე“ - სამტრედიის N12 საჯარო სკოლის პირველკლასელთა სასწავლო წლის შემაჯამებელი შთამბეჭდავი ღონისძიება
06-06-2024
სამტრედიის N12 საჯარო სკოლის პირველკლასელებმა წარმატებული სასწავლო წელი საზეიმოდ დაასრულეს.
Iა კლასმა, 27 მაისს, გამართა შემოქმედებით- სახალისო შემაჯამებელი ღონისძიება- „ვარიაციები ანბანის თემაზე“.
ღონისძიება სკოლის სააქტო დარბაზში ჩატარდა და დიდი ზარ-ზეიმით წარიმართა.
ერთმანეთს ენაცვლებოდა მხატვრული, მუსიკალური და ქორეოგრაფიული ნომრები. პატარა მსახიობებმა გააცოცხლეს გოგებაშვილისეული პერსონაჟები. მათ მაქსიმალურად წარმოაჩინეს წლის განმავლობაში შეძენილი ცოდნა და უნარ-ჩვევები. ღონისძიების დასასრულს კი, სკოლის მუზეუმს გადასცეს სახალისო პრიზი, რამაც დამსწრეთა დიდი მხიარულება გამოიწვია.
ღონისძიებას ესწრებოდნენ სკოლის პედაგოგები, მშობლები და სხვა კლასის მოსწავლეები.
ღონისძიებას ხელმძღვანელობდა პედაგოგი ნინო გუნია.
იხილეთ ფოტოები:
სკოლების სიახლეები
