სკოლაში ამ დღეს დიდი დღესასწაული იყო. 

ლამაზად მორთულ სკოლის სააქტო დარბაზში გამართულ ღონისძიებაზე, მოსწავლეებმა დიდი სიყვარულით „გააცილეს“ მშობლიური ანბანი. მათ იმღერეს, იცეკვეს, ლექსები წაიკითხეს და შემოქმედებითი უნარები წარმოაჩინეს.

„მასწავლებლის შრომა მაშინ იქნება დაფასებული, როცა მისი მოსწავლე უკვე წერს და კითხულობს“, - აღნიშნავს მასწავლებელი წოვინარ ბაბოიანი.

როგორც სკოლაში გვიყვებიან, სასწავლო პროცესსა და ღონისძიების საორგანიზაციო საკითხებში აქტიურად იყვნენ ჩართულნი მშობლებიც, რომლებიც ღონისძიებაზე სამადლობელი სიტყვით გამოვიდნენ, რამაც დამრიგებელი ძალიან გაახარა.

ეს დღე საინტერესო და ემოციური იყო იქ მყოფი თითოეული ადამიანისთვის.