როლური თამაში და მხატვრული ნაწარმოებების პერსონაჟების საინტერესო დახასიათება -სენაკის N2 სკოლის მოსწავლეება საინტერესო კომპლექსურ დავალებაზე იმუშავეს
07-06-2024
ჟიული შარტავას სახელობის ქალაქ სენაკის N2 საჯარო სკოლის მოსწავლეები სხვადასხვა სასკოლო აქტივობაში მონდომებით ერთვებიან.
ამჯერად, VIIა კლასში, ქართულ ენასა და ლიტერატურაში, კომპლექსური დავალების შემაჯამებელი გაკვეთილი ჩატარდა. მას მასწავლებელი გულსუნდა ხუბულავა უძღვებოდა.
აღნიშნული გაკვეთილის თემა იყო „პერსონაჟის პორტრეტი“ (ლიტერატურული პარალელი - ილია ჭავჭავაძის „კაცია- ადამიანი?!“ და ალფონს დოდეს “ტარტარენ ტარასკონელის უჩვეულო თავგადასავალი“).
მოსწავლეებმა როლური თამაშები გამართეს. მათ მოქმედი გმირების პორტრეტები გაიხსენეს. აგრეთვე, ტიპიურ გარემოში ტიპის მოქმედებით მიხვდნენ, რას წარმოადგენდნენ პერსონაჟები. ბოლოს, მოსწავლეებმა შეძლეს დაეხასიათებინათ ახალგაცნობილი პერსონაჟები.
იხილეთ ფოტოები:
სკოლების სიახლეები
