ამჯერად, 23 მაისს „ქიმიკოსის დღე 2024-ის“ აღსანიშნავად, კლდეეთის საჯარო სკოლაში,  ტრადიციულად, ქიმიკოსის კლუბ „კლდეონის“ წევრების აქტივობა „ტვინების კონკურსი ქიმიაში“, გაიმართა.

აქტივობაში ჩართულნი იყვნენ მე-8, მე-9 და მე-10 კლასელები.

აქტივობის მიზანი, როგორც სკოლაში აღნიშნავენ, იყო მე-8 და მე-9 კლასებში განვლილი მასალების სახალისო აქტივობით გამეორება, საგნისადმი მოტივაციის გაზრდა, საკომუნიკაციო და გუნდური მუშაობის უნარების განვითარება-ფორმირება. 

ღონისძიების ინიციატორები და წამყვანები იყვნენ მე-10 კლასის მოსწავლეები (სულ სამი მოსწავლე). 

„პედაგოგის და წამყვანების შესავალი სიტყვების (ცოტა რამ ქიმიაზე) შემდეგ ღონისძიების მონაწილე მოსწავლეებმა დარბაზის გასახალისებლად, ისევ და ისევ მე-10 კლასელთა ინიციატივით, მოამზადეს და შეასრულეს ცეკვა „როგორ გადავედით სწავლა-სწავლების თანამედროვე  მეთოდებზე“, - გვიყვებიან სკოლაში.

ამის შემდეგ, სკოლაში გაიმართა „ტვინების ბრძოლა ქიმიაში“. მოსწავლეები დაყოფილი იყვნენ სამ გუნდად, მათ მიეწოდათ დავალებები ელემენტთა ატომური ნომრებისა და ამოსაცნობ - ქიმიურ ტერმინთა - ზოგიერთ მახასიათებელთა მინიშნებით. ატომურ ნომრებზე არსებულ ქიმიური სიმბოლოების დახმარებით, მოსწავლეებმა ამოიცნეს ქიმიური ტერმინები. 

ღონისძიების დასასრულს კლუბის წევრებს გადაეცათ მადლობის ფურცლები, საპატიო სიგელები და სამახსოვრო საჩუქრები.

პედაგოგმა - მანანა ჯიქურიძემ ღონისძიებაზე, აღნიშნა, თუ რაოდენ მნიშვნელოვანია მსგავსი პროექტები მოსწავლეთათვის.

„ჩემთვის, როგორც საგნის პედაგოგისთვის, ძალიან საამაყო და განსაკუთრებულად  მნიშვნელოვანია ყველა ის პროექტი, რომელიც ახალი თაობისთვის ახალი მიზნებისთვის ხორციელდება.

მადლობა, ამ პროექტში ჩართულ სასკოლო საზოგადოებას, კიდევ ერთხელ მადლობა სკოლის დირექციას“, - აღნიშნავს პედაგოგი მანანა ჯიქურიძე.